කිම් ගේ තෙවන පියවර

ගෙම්බා ට නමක්.

උපන් දින සමරපු,පොල්තෙල් බෝතල් පාව්ච්චි කරපු අපේ කිම් මේ සතියේ මොනා කරයිද දන්නෑ කියලා ඔයාලා නොඉවසිලෙන් බලාගෙන ඉන්නවා කියල මම දන්නවා.ඒ මදිවට මම කිව්වනේ තව ගෙම්බා ට අලුත් නමක් දෙයි කියලා...

මෙන්න මේ සතියේ කිම්ගේ වික්‍රමය ගෙම්බා ට කිම් අලුත් නමක් දෙයි.

ඔයාගෙ,මගේ ගෙදර අනිවාර්යෙන්ම ඔයා,ඔයාගේ පවුලේ කට්ටිය කිටී/පූස් පැටිය බලු පැටිය වගේ සුරත්ලෝ ඇරෙනකොට තවත් කට්ටිය ගොඩාක් ඔයත් එක්කම ඉන්නවා නේද ? අන්න ඒ වගේ අපේ කිම් ගේ ගෙදරත් ගොඩාක් අය ඉන්නවලු...

දවසක් රෑ වෙලා කිම් පුටුවක් උඩ ඉන්නකොට පැන පැන යන මොකද්දෝ දෙයක් දැකල,

          “අම්මේ මෙන්න මොකක්දෝ උඩ පනිනවා....”

කියල අපේ කිම් කෑගැහුවලු.ඕක ඇහිච්ච කිම්ගේ තාත්ත බයවෙලා ඇවිත් බලපුහම ඔයට,මට පුරුදු අර බක වරක් චක්කරේ කියනකෙනා,

          “දෙක දෙක - බක බක

            බක බක - දෙක දෙක”

කිය කියා පැන පැන යනවලු.ඔයිට කලින් අපේ කිම් ගෙම්බෙක්ව දැකල තිබ්බේ නෑනේ...

ඔන්න ඉතින් කිම් ගේ තාත්ත ඒ තමයි ගෙම්බා කියල අපේ කිම් ට introduce කරලු.වැඩේ කියන්නේ කිම් ගෙම්බට කියන්නෙම,

“ බෙංග ”

කියලලු.කිම් ගේ තාත්ත කොච්චර කිව්වත් කිම් කියන්නෙම බෙංග කියලලු.

මේක අහපු කිම්ගේ අම්මටයි තාත්තටයි හරි හිනාලු....

          මේක මම දැනගත්තු වෙලාවේ නම් මම කිව්වේ මේ නමින් අපි ගෙම්බා ව අලුතින් නාමකරණය කරමු කියල,මොකද හිතෙන්නේ ඔයාට හොදයි නේද ?

          ඔන්න ඔය අතරේ කිම් ට හම්බුනා වරප්‍රසාදයක් වෙන කාටවත් හම්බෙනැති,අවුරුදු 3දිම ඉස්කෝලේ යන්න...

          ඒ වෙන මොනවත් හින්ද නෙවේ කිම්ගේ අම්මා ඉස්කෝලේ උගන්න හින්ද.ඒ හින්දම කිම් ට උනා ඉස්කෝල 6කට යන්න, එක මම පස්සේ දවසක කියන්ම්කො.කොහොමින් කොහොම හරි කිම්ගේ අම්මත් එක්ක කිම් ඉස්කෝලේ ගියා.

Image

          කිම් අම්මත් එක්ක ඉස්කෝලේ ගිහිල්ලා කරපු දේවල් දැනගන්න ලබන සතියේත්  මං හරි ආසයි කියනවා නේද ? 

කිම් ගේ දෙවන පියවර

කිම් ට අවුරුද්දයි පොල්තෙල් බෝතලයයි

ඉතින් යාලුවනේ කොහොමද කිම් ගැන මොකෝ හිතෙන්නේ....ඔයාට හිතෙනවා නේද මං හරි ආසයි කිම් ට කියල,එහෙනම් එචරයි මට ඕන එචරයි....

ඔන්න ඉතින් අපේ කිම් ඔයා මම වගේ බඩ ගානවා,පෙරළෙනවා,හිනා වෙනවා,කෑ ගහනවා වැඩ කෝටියයි.කිම් ගේ තාත්ත නම් මේකට ටිකක් කැමති නෑ වාගේ,ඇයි ඉතින් ආය කිම් ට තේරෙනෙත් නෑනේ තුවාලයක් වත් වෙයි කියලා ගොඩාක් බයයි.ඒත් ඉතින් අම්මට නම් හරී සතුටයි...ඇයි ඉතින් දැකුම්කළු බෝල ගෙඩිය පෙරලි පෙරලි ඉන්නවනේ....

දින,සති,මාස ගෙවිලා කාලය අපි ඔක්කොටෝම හොරෙන් ගෙවිලා යද්දී,අපේ කිම් ත් බඩ ගලා,දන ගලා,වැටි වැටී හිටගෙන ඉපදිලා පළවෙනි අවුරුද්දටත් ලං උනා.කිම් ගේ අම්මා ට කේක් හදන්න එහෙම හොදට පුළුවන්ලු,නිකන් නෙවෙයි ඕනම කේක් එකක් රස ම රසයි,දෙපාරක් කන්න හිතෙනවා මාත් කෑවනේ...

හෝව් හෝව් කේක් නෙවේනේ...

හාහා පුරා කියල කිම්ගේ අම්මයි තාත්තයි කිම්ගේ පළවෙනි උපන් දිනේට අපේ කිම් වෙනුවෙන් Birthday කේක් එකක් හැදුවා,එක නිකන් කේක් එකක් නෙවෙයි,

Donald Duck කෙනෙක්...

කේක් එක දැකපු කීමට හරි සතුටුයි,මොකද කිම්ගේ කැමතිම catoon චරිතේ තමා Donal Duck.පාටි එකට කිම්ගෙ අම්මගෙයි තාත්තගෙයි යාළුවො ඔක්කොම ඇවිල්ල හිටියා.කිම්ගේ අම්මා කීමට කේක් කපන්න කියලා කිම්ට පිහිය දුන්නා.කිම්ත් ලේසි පහසු කෙනෙක් නෙවේනේ.ඔයාල දන්වනේ,මතක ඇති නේ කිම් ඉපදුන හැටිත්.පිහිය අතට ගත්ත විතරයි අර ලස්සන Donal Duck ගේ බෙල්ල ගාවින්ම කපලා දැම්මා.ඔය දැකපු කිම්ගේ මාමා කෙනෙක් කියපි Donal Duck ගෙත් බෙල්ල ලගින්ම කැපුවා දැන් කොහොමද Donal Duckට පන දෙන්නෙ කියල.එතන හිටපු අයට හරි හිනා.අන්තිමේදී අපි කවුරුත් Birthday එකේදී කියන Happy Birthday To You කියලා ඔක්කොමලාම කිම් ට සුභ පතල කිම් ගේ පළවෙනි උපන් දින උත්සවය ජයටම සැමරුවා...

ඔහොම ඉන්නකොට කිම්ගේ අම්මා M.A එකට එක්සෑම් ළග නිසා පාඩම් කරන්න ලෑස්ති වුණා.අම්මා පාඩම් කර කර ඉන්න අතර තුරේ තාත්තා කඩේ ගිහිල්ලා පොල්තෙල් ගෙනල්ල බෝත්ලෙකට,පස්සේ දානන්ම් කියලා බෝතලේ තියලා ගිහිල්ලා.

මේක දැකපු අපේ කිම් ගේ අම්මටයි තාත්තටයි උදව්වක් කරන්නම් කියලා.බොහොම අමාරුවෙන් බෝතලේ උස්ගෙන කුස්සියේ සින්ක් එකලගට ගිහින් මුළු බෝත්ලේම සින්ක් එකට දැම්මලු.ඇයි ඉතින් තාත්තත්

සින්ක් එක ගවාදී නේ පොල්ත්ල් බෝතලේට දාන්නේ...

          කුස්සියේ නිකන් බෝතලයක් පෙරලෙන සද්දයක් වාගේ ඇහිලා කිම්ගේ අම්ම කුස්සියට ගියාලු.බලනකොට වැඩේ හරිලු,කිම් පොල්තෙල් දාලලු බින්දුවක් වත් ඉතුරු නොවෙන්න්නම සින්ක් එකට.....

          ඔන්න ඉතින් අපේ කිම්ගේ වැඩ.ඇත්තටම පොඩි කාලේදී අපිත් මේ වාගේ මාර මාර වැඩ කරන්න ඇතිනේ....

          ඒවගේ වැඩ තියෙනවනම් අනික් අයටත් බෙදාගන්න අපි ලියමු නේද මගේ යාලුවනේ...

මීලග සතියේ...

          කිම් ගෙම්බා ට අලුත් නමක් දෙයි...

                   මොකද්ද කියල දැනගන්න ලබන සතියේ මං හරි ආසයි කියවන්න

(නො)වෙනස

මගේ දෑස

 විවෘත විට,

අහස නිල් පාටින්

ගස් වැල් කොල පාටින්

වතුර වතුර පාටින්

පාර කළු පාටින්

තවත් බොහෝ දේ

නේකවිද පාටින්

පෙනේ...

දෑස වැසූ කළ

තත්පර මිනිත්තු ගතවී

මද වෙලාවකට පසුමැවේ දසුන්

සතුට දුක බිය

වලින් පරිපූර්ණ...

මගේ කට

විවෘත විට,

ප්‍රශ්න වලට උත්තර

උත්තර බලාගෙන ප්‍රශ්න

ප්‍රශ්නත් නොවන

උත්තරත් නොලැබෙන ගොඩක් දේ

කියැවේ...

මගේ කට වැසූ විට,

සිතින් විඳිමින්

හෝ විඳවමින්,

බලා සිටී....

මගේ දෙසවන

විවෘත විට,

කෙනෙකුගේ සතුට

කෙනෙකුගේ සන්තාපය

කෙනෙකුගේ තරහව / වෛරය

ඇතුළු නේකවිද දේ,

ඇසේ මට...

ඒත් මගේ දෙසවන

වැසූ විට...?

කිම් ගේ පළමු පියවර

මෙලොවට එළිය දකී.

ඔයාට මට අපි හැමෝට ම වගේ,කිම් ත් එයාගේ අම්මගෙයි තාත්තගෙයි බලාපොරොත්තු ගොඩක් මැද හොස්පිටල් එකේදි අපේ ලෝකෙ එළිය දැක්ක...

ඒත් මාර ප්‍රශ්නෙ කියන්නෙ සාමාන්‍යන් බබෙක් ඉපදුන ගමන්ම ඔහෑ ඔ...ඹ්..ඹ්හෑ ගාලා එක දිගට කෑගගහ අඬනවනේ,ඒත් මේ බබා අඬන්නෑ,නර්ස් ලා ඉතිං මේ බබාට අඬනකම් ම වද දෙනව,ඒ මදිවට වෙන්ට ඩොක්ටස්ලා ත් පෙරලා පෙරලා බලනව,ඇයි ඉතිං හාට් බීට් එකයි,අනිත් ඒවත් නෝමල් විදිහට වැඩ කරනවලු නේ.....

මොකද්ද මේ වෙනනේ කියල බලන්න ස්පෙෂලිස්ට් ඩොක්ටර් කෙනෙකුත් ඇවිල්ල(එයා පොරොෆෙසර් කෙනක්ලු කැම්පස් එකේ) පොඩ්ඩක් බැලුව,

මෙන්න බොලේ එක පාරට ම කකුල් දෙක හොලවලා ඔහෑ ඔ...ඹ්..ඹ්හෑ ගාන්න ගත්තලු ඔක්කොටෝ ම හරි සතුටුයිලු,ඔය අතරෙ කසුකුසුවක් යනව අර වෙන්ට ඩොක්ටර්ස්ල 2නෙක් අතර කැම්පස් එකේ දි අපිව වගේ ම මෙහෙදිත් පොඩි එකාවත් බය කරල පණ ගත්ත කියල....

ඹ්ක ලාවට වගේ පොරොෆා ට ඇහිලා හිනා වෙවී ගියාලු

කොහොමින් කොහොම හරි ඔන්න කිම් ඉපදුනා. කිම් ගේ අම්මටයි තාත්තටයි හරි සතුටුයිලු.හා තව පොඩ්ඩෙන් අමතක වෙනව කිම් ඉපදෙන කොට දැකුම් කළු ( ආසන්න කළු) බෝල ගෙඩියක් වගේ ලු.වඩාගන්න එහෙම ටිකක් අමාර`යිලු බරයිලු....

ඔන්න ඉතිං කිම් එගේ ගෙදරට ආවලු,කිම්ගෙ ගෙදර මගුල් ගෙයක් වගේ ලු.වැඩේ කියන්නෙ කිම් නම් රෑට නොනිදන දවල් ට  ඒවටත් එ ක්ක හරියන්න දොයියනවලු,කිම්ගෙ අම්මටයි තාත්තටයි ඒ හින්ද හරිම කරදර ලු,ඒත් ඉතිං අම්මල තාත්තල කවදාවත් ළමයිව කරදරයි කියල දකින්නෙ නෑනේ...

ඔය විදිහට කිම් දවසින් දවස ලෝකය අඳුරනව,මේ අතරෙ ඉතිං ඉපදුන  දවසෙ ඉඳං කිම්ගෙ අම්මගෙයි තාත්තගෙයි යාළුවො බලල කිම් ව හුරතල් කරල තෑගි දීල යනව.කිම්ගෙ අම්මටයි තාත්තටයි ඒ හින්ද හරිම සතුටුයිලු...

මීලඟ සතියේ,

   කිම් ගේ පලමු උපන් දිනය

   කිම් පොල්තෙල් බෝතලයක් පාවිච්චි කරයි

          ඒකොහොමද බලන්න අනිවර්යෙන් ලබන සතියේ

 මං හරි ආසයි කියවන්න.....

පොතක් ඇත

පොතක් ඇත

මේසේ උඩ

කියවන්න....

කලබලෙන් නොව,

හෙමිහිට

සීරැවට

පෙරලෙන පිටු වල

අකුරැ සබැඳුම්

ගොඩකි....

සෑම සබැඳුමකම

යම් හෝ දෙයකි

යයි සිතුනත්,

කියවන්නේ

අද ද

හෙට ද......